مرة واحد رايح يشترى فول قالة الراجل بتاع المطعم الفول بأة غالى قالة والله منا واكل فول راح لبتاع الخبز قالة الخبز بأة غالى قالة والله منا واكل خبز راح لمراتة حزيين قالها سخنى لى مياة للاستحمام وراح نام بعد شوية مراتة راحت تقول له قوم المياة غليت قالها حتى المياة غليت طب والله منا مستحمى
عملوا مسابقة لتعجيز الكمبيوتر كل ما حد يسأله سؤال يجاوب عليه فى اقل من دقيقة جه واحد بلدياتنا حط ورقة فيها السؤال بتاعه الكمبيوتر اتحرق وطلع دخان قالوا له : سؤالك كان ايه بلدياتنا : جلت له ابو قردان قبل ما يخلف قردان كان اسمه ايه؟
مرة واحد اشترى خروف قبل شهرين من العيد وكان بياكل معاه و يستحم معاه ويعمل معاه كل حاجة ويوم العيد الناس كلها زبحت خرفنها الى هو ما لقاش الخروف دور عليه فلقاه عند السطوح بيعيط قلو مالك بتعيط فقلو الخروف الناس كلها اشترت خروف الى احنا
اتنين صعايده راكبين عربيه خبطو واحد اللى سايق قال للى جنبو انزل شوف اللى خبطناه ده مات ولا لسه نزل حط ايده على قلبه لقى فى نبض وقف قدام العربيه وقال للى سايق ارجع بالعربية تعالى تعالى تعالى كمان بس كده مات
مرة اثنين حشاشين قاعدين عند المقابر واحد بص شاف جنازة معدية قالوا جنازة مين يا محمد قالوا جنازة الشيخ محروس تانى يوم جنازة تانية معدية قالوا جنازة مين يامحمد قالوا جنازة الشيخ محروس ثالث يوم نفس الجنازة قالوا جنازة مين يامحمد قالوا ياعم جنازة الشيخ محروس قالوا هى الدنيا ملطشة معاة كدة لية؟
مرة واحد بيتاجر فى البانجو جيه عنده اتنين حششين قلولوا منلاقيش عندك الصنف الى بيقولوا علية بيطير الدماغ قالهم التاجر معنديش الصنف دة دا هتلقية عند الجزار راحوا للجزار قلولوا معندكش صنف يطير الدماغ قلهم عندى طبعا السكينة عايزين رقبة ولا رجلين
مرة محامى خنفس دخل للقاضى..هاى يا قاضى..شوفت ميمى وهو بيقتل.؟ القاضى قاله لا الخنفس:كوبة يلا ياميمى
واحد صعيدى دخل حديقة الحيوانات و دخل راسة فى قفص الاسد الحارس جرى علية قاله انت بتعمل اية قال اية يا بوى يعنى هاكلة
نزل قرار فى البلد بمنع الصعايده من السفر طب يعملوا ايه علشان يعرفوا الصعايده قالك احنا نجيب جردل ونسأل كل واحد ده ايه الصعيدى هيقول على الجردل دردل واحد صعيدى عرف قالك انا اركز واحفظ الكلمه صح المهم الصعيدى ده راح المطار بتاع الجوازت بيقولوا ايه ده يا بلدينا قاله جردل قاله مظبووط ادينى اسمك قاله محمد دومعه
واحد عبيط قال لصاحبه العبيط لما تتجوز هتتجوز ست حلوه.فقال له الست الحلوه عمله زي كرة القدم. 22 راجل بيجرو وراها .فقال له طيب اتجوز ست وحشه .فقاله الست الوحشه عمله زي كرة التنس .كل راجل يرميها للتاني
كان فى مرة طالب فاشل دخل الامتحان ميعرفش حاجة فى الامتحان وكان حظة عندما جات الاسئلة صح وخطا طلع بريزة من جيبة وقعد يقول اللى تطلع كتابة يبقى صح فخلص بعد نصف ساعة لقى زمايلة لسة مخلصوش راح طلع البريزة تانى علشان يراجع
عسكرى مصرى بيسأل عسكرى اسرائيلى بتقبض كام قالوا الف دولار بدل سكن والف دولار بدل موصلات والف دولار بدل ترفيه والف دولار مكافه فالعسكرى الاسرائيلى ساءل العسكرى المصرى بتقبض كام قالوا سبعين جنيه قالوا بدل ايه ده؟ قالوا........بدل ما اشحت
محشش بيحب الكوره اتصل بخطوط الطيران يحجز تذكرة ، قاله الموظف ذهاب واياب ؟؟؟؟ قال له : لا خروج المغلوب
واحد قاعد في أمان الله بيقرا الجرنان، وفجأة جت مراته وضربته بغطا الحلة فوق دماغه ..طرررررخ الزوج: "فيه ايه يا بنت الحلال؟ ليه كدا ؟؟؟" الزوجة : "ايه الورقه اللي في جيب بدلتك ومكتوب عليها "سوسو"؟؟" الزوج: "يا بنت الحلال، ده اسم الحصان اللى بنشجعه في السباق!" الزوجه صدقته وراحت لحالها... بعد اسبوع، الزوج قاعد في أمان الله يقرا الجرنان، وفجأة جت مراته وضربته بغطا الحلة على راسه !! الزوج: "خير يابنت الحلال في ايه تاني؟؟ " الزوجه:"حصانك على التليفون
عريس مسطول على الآخر في يوم فرحه..بعد المعازيم مامشيوا دخل البيت لقى العروسة قاعدة، قال والله انا كنت عارف في الهيصة دي هاينسوا حد
كان يامكان كان فى مرة بطة البطة دى كانت بتروح عند البقال تقولو عندك حلاوة يقولها لاء...اليوم التانى عندك حلاوة يقولها لاء.....اليوم تالتت عندك حلاوة يقولها لاء فالبقال زهق بقى وقالها لو جيتى تانى هدبس رجليكى بالمسامير فى الارض...فراحتله بعدها تانى قالتلو عندك مسامير قالها لاء....قالتلو طب عندك حلاوة
اتنين متجوزين كل ما يخرجوا فى حته مراته تقوله عايزة اروح جنينة الحيوان عند القرود وكل يوم تروح عند الجبلاية و تفضل تأكل القرود لغاية يوم الولادة دخلت تولد و لما الممرضة خرجت سألها الاب اية ولد ولاّ بينت؟ فقالت له الحقيقة يافندم ملحقناش نعرف .. اول ما المولود نزل نط من الشباك
مره واحد راح يصلى فجزمته اتسرقت قام راح و امسك بميكروفون الجامع و قعد و قال اللى مش ح يجيب الجزمه انا حا عمل زى ابويا ما كان بيعمل المهم الحرامى اللى اخد الجزمه قال لا يكون ابوه بيذبح و الا بيقتل المهم راح خاف و حط الجزمه الراجل لقى الجزمه وراح قال ياما انت كريم يارب المهم مشى و الحرامى ماشى جنبه قاله هو ابوك كان بيعمل ايه قاله ابويا كان بيمشى حافى
واحد قاعد مع خطيبتة النورانقطع قالتله خد فرصتك اخد الشنطة و طلع يجرى
مره اتنين صعايده ماشيين في الشارع لقو صاروخ امريكي معدي من فوقهم واحد بص للتاني وقالوه :تلاقي الصاروخ ده بمليون جنيه راح التاني بص عليه وقاله :يبخت اللي يوقع علي بيته
غبي راح عمل سشوار عند الحلاق وقال عندي فرح بعد اسبوع وعايز شعري يفضل حلو كده الحلاق قاله بس ابعد عن الميه -- رجع بعد 3 ايام بيقول للحلاق ...... عطشـــاااااااان
انا قصدى انى اوصل البسمة لوجوهكم ويارب تكون النكت عجبتكم مع تحياتى / مزيكا ع المكشوووووووووووف
[/size]
JusT4LovE Admin
عدد الرسائل : 85 العمر : 39 تاريخ التسجيل : 14/01/2008
موضوع: رد: نكت مصرية الجمعة يناير 25, 2008 3:41 pm
موضوع: نكت مصرية 
الإثنين يناير 21, 2008 1:04 am
:D:D:D:D:D:Dهع
ههههههههههههههههههههههههههههههههههههههههههههه بجد ممتع جدا استمرررررررررررررررر 
