قمة الإستفزاز.........!

النهاردة جاية بموضوع يمكن غريب لكن فعلا مستفز أوى بالنسبة لى ...
كل واحد فينا ليه أفكاره ومعتقداته الى شايف إنها صح وكمان مقتنع بيها
ممكن تبقى صح .... ممكن تبقى غلط
لكن ف الآخر لازم الكل يحترم وجهة نظرك

لحد كدة مش ده الموضوع الى كنت عاوزة أفتحه
الفكرة بقى عبارة عن موقف بيحصل معايا كتير بشكل مستفز جدا
أنا ومجموعة من أصحابى متعودين دايما نتناقش ف مشاكل البلد ونخطط لمستقبلنا ونفكر ف حاجات نعملها ف وقت فرغنا
يعنى بنكتب شعر ونفرجه لبعض.. وفي الى بيألف قصص
وفى كمان الىبيكتب مقالات .. وبناخد رأى بعض ف الى بنكتبه

وفى ناس تانية معانا مش بيفكروا كدة .. ممكن يبقوا صح .. وممكن يبقوا غلط
وف النهاية لازم نحترم وجهة نظرهم

لكن السؤال الى عاوزة أسأله بقى
ليه هم مش بيحترموا تفكيرنا ودايما بيسخروا مننا

مش بقول إننا صح.. لأننا جايز نكون غلط

إحنا لمّا بنفكر بالطريقة دى مش عشان إحنا شايفين إن الدنيا هتخرب من غيرنا
ولا شايفين إننا الى هنصلّح الكون

بس الفكرة كلها هى إشباغ رغبة بداخلنا

حقنا نعبر عن الى جوانا بطريقنا

السؤال الى أحب إننا كلنا نتناقش فيه....
هل اتعرضت للسخرية من تفكيرك وإهتماماتك لمجرد إنها بتختلف مع حد معين.....؟!
ياترا كان موقفك إيه..؟!
والأهم كان إيه إحساسك ساعتها........؟!

ياريت كلنا نتناقش ف الموضوع لأنه بجد مستفز جدا وخصوصا إنه انتشر أوى ف الفترة الأخيرة.....

ف إنتظار تفاعلتكم