مفهوم الهيافة...........!

أنا لسة جديدة هنا ... فحبيت أبدأ معاكوا بمناقشة كدة
وأتمنى إنكوا كولكوا تشاركونى بآرائكوا

أحيانا بنكوّن رأى عن حد من تصرفاته الى احنا شايفنها
يعنى مش بنتعامل وبنحكم
ممكن يكون حد بيهرج وبيضحك على طول .. فبنقول ده هايف
ولو حد بيتكلم ف السياسة ...يبقى يا سلام عليه
والله برافو ده عظيم وجاد

هى دى القضية الى أنا عاوزة أناقشها معاكوا
ليه يتقال على واحد إنه هايف لمجرد إن روحه مرحة
ليه يتقال عليها مش محترمة لأنها بتتكلم ببساطة
ليه نحكم على حد لمجرد المظهر الخارجى
لا يمكن إنكار إن المظهر الخارجى عليه دور كبير ف تكوين رأى عن حد
بس لا أعتقد إن هو ده الوسيلة الى نختارها
أحيانا بيكون الفرد صاحب روح مرحة وبيهزر على طول
بس وقت الجد ممكن يبقى أجدع كتير من ناس تاية على طول بتتكلم ف جد

مش عارفة
جايز تتفقوا أو تختلفوا معايا ف رأيي بس ف الحالتين يشرفنى إنى أعرف آرائكم

ومنتظرة تفاعلتكم مع الموضوع
ياترا أنت من الى بتحكم من المظهر ولا بتنتظر لحد ما تتعامل
يا ترا الى بيهزر على طول دايما هايف
هل أنت مع مقولة _( هذا مهيس إذن هذا هاااااااااااايف )........؟!

وف إنتظار تفاعلتكم