الزواج بين المسلم والقبطية

بسم الله ورحمة الله وبركاتة

جئت اليوم ومعى موضوع هام جدا

و اريد ان الجميع يتفاعل مع الموضوع ويعطى رائية

اذا كنت انت مثلك مثل اى شاب احببت فى يوم من الايام قبطية

فما هو الحل و ايضا اذا علمت ان هذة الفتاة تحبك جب شديدا

فماذا تفعل ؟؟؟؟؟؟؟؟؟؟؟؟؟؟؟؟؟؟؟

اوقعت نفسك فى حيرة كبيرة اوى

ولكن عندما تفكر فى الامر تجد ان

حلال ان الشاب المسلم يتزوج من قبطية

ولكن ايضا تفكر فى نظرت المجتمع ؟؟

ونظرة العائلة ؟؟؟؟

وكيف تتعامل معها ؟؟؟؟

واسئلة اخرى كثيرة

تخيل عندما توضع رائيك فى هذا الموضوع ان انت هو الشخص او الشاب المسلم

فماذا تفعل ؟؟؟؟؟؟؟؟؟؟؟؟؟؟؟؟؟

تخيل لو انك تخليت عن هذة الفتاة لن تجد من تحبك كل هذا الحب

ماذا تفعل فى هذة الحيرة

زائر

والله حقيقــتا اممم
انا موش عارف اقول ايه بصراحه موش لاقى كلام اقوله
بس ممكن اقول ان الرسول صلى الله عليه وسلم تزوج من واحده قبطيه
فانا راى انه يتجوزها وميضيعش الحب ده لا الحب بقى فى زمانه قليل جدا جدا
وشكرا يا عبقرينه على الكلام الى الواحد موش عارف يرد عليه ده
ههههههههههههههههههههههههههههه

لا شكر ولا حاجة يا اخ :- el.kabo

بس انا بحب اجيب مواضيع من واقع الحياة المصرية

نايث توبك يا عبقرينو

اتمنى وضع ردك اذا كنت انتة فى هذا الموقع

نايس توبك ممكن تكون نظره المجتمع صعبه بس طالما فى حب خلاص حد عالم يمكن تدخل فى الدين الاسلامى فى القران الكريم بسم الله الرحمن الرحيم ليكم دينكم ولى دين صدق الله العظيم

موضوع مهم جدا على فكرة بتحصل كتير اوى على فكرة

شكرا

فعلا الموضوع دا بقى بيحصل كتير اوى

بس لية دايما تكون نظرة المجتمع وحشة ليهم ؟؟؟؟؟

زائر

نايس يا مان ويارب فى تقدم باذن الله
اخوك / مزيكا
cheers

عدد الرسائل : 5 العمر : 30 تاريخ التسجيل : 12/06/2008

لو كانوا بيحبوا بعض
بجد مش هيهمهم المجتمه ولا اى حد واللى هيساعدوا انه حلال وربنا محرمهوش

عدد الرسائل : 3 العمر : 36 تاريخ التسجيل : 13/06/2008

عارف اللي يبقي مسلم ويتجوز قبطيه ده عامل زي ايه ، زي واحد مش عاجبه اللي معاه وبيبص لحاجه مش بتاعته ، معجبوش كل البنات اللي من دينه وباصص علي دين تاني ؟ طيب ليه ؟
هتقولي بيحبوا بعض ومش عارف ايه . عاوز اقولك رأيي في الحب
بس هبدأ بسؤال هل اللي بيحب واحده معينه (سوسن مثلا) ، شاف كل البنات اللي في الدنيا واتعامل معاهم واختار سوسن ديه من وسطهم ؟؟؟؟؟؟؟؟؟؟؟؟؟؟؟
اكيد ما شفش كل البنات اللي في الدنيا ، بس هوه علشان شاف بنت معينه (سوسن) واتعامل معاها ولقاها بتجذبه علشان كدا حبها ، وكان ممكن يحب غيرها واكيد في الدنيا هيبقي فيه احسن منها ولو كان اتعامل مع واحده غير اللي حبها ديه ( سوسن ) ، كان ممكن يحبها قبل سوسن .
لأن الحب بيجي من الأرتياح لشخص معين ، واكيد فيه ملاين البنات ممكن يستريحلهم غير سوسن
ده رأيي
أما انك تقولي ان الجواز من قبطيه حلال في الاسلام ، فأنا عارف انه حلال
بس هل جواز قبطي من مسلمه حلال ؟؟؟؟؟؟؟ ، ولا فيه حجات بنحرمها علي الناس ونحللها لغيرنا ؟؟؟؟ ، أنا اعرف ان اللي مترضهوش لنفسك مترضهوش علي الناس .
فطرت الانسان والضمير البشري بيقول كدا دون الرجوع لأي دين ، اياً كان اسلام او مسيحيه
هناك نقاط اخري . بس انا حبيت ادي رأي ، انا بجادل في دين ، بس دا رأي الشخصي
شكرا سلام

الموضوع ده مش موضوع عادى ده موضوع مهم جدا جدا جدا لأنو بيحصل وكتير وللأسف ممكن يكون فى السر والموضوع ده حصل قريب عندنا فى الفيوم وحصلت مظهارات وأعتصامات أدام الكنيسة لكن رغبة البنت كانت الفاصل على الرغم من أن أهلها اتهمو الزوج بخطفها ..........................ولكن أنا شايف أن ممكن يحصل ولكن فى شرط مهم جدا جدا أنه علشان نتفادى عواقب هذا الموضوع لازم الزوجة تعلن أسلمها وألا هيترتب عليه مشاكل جامده وأظن من أحبت مسلم وأرتبطت به لها من الشجاعة أن تشهر أسلامها............

ZenDeN

عدد الرسائل : 3 العمر : 36 تاريخ التسجيل : 13/06/2008

هههههههههههه
اة واحده تبيع دينها علشان بتحب واحد ، مش علشان هيه مقتنعه بالدين
وبعدين موضوع الفيوم ده مكنش زي ما انت بتقول اساسا
سبحان الله علي الناس

يا أستاذا سمر أنا مقلتش كده وبعيدن لما مسيحيه ترتبط بمسلم فهيا فعلا خرجت عن دينها علشان المسيحية تحرم الارتباط حتى وأن كان من نفس الملة فالكثوليكى لا يستطيع الارتباط بأرثوزوكسى وابروستانتى لا يستطيع الارتباط بأرثوزوكسى الا فى حالات معينة وده كله انا بقلك عليه عن دراسه وليس انطق من الهوى فما بالك أرتباطها بمسلم من ديانة أخرى ................والدليل على هذا قانون الاحوال الشخصية الخاص بالاسرة والميراث فهو يعامل القبطية المرتبطه بمسلم نفس معاملة المسلمة عكس مايطبق أزى كان الزوج قبطى

وبالنسبة القصه موش كده وضحيها أنتى لو عرفاها اساسا أتمنى التأنى منك يا أستاذه قبل أرسال الردود لأن ردك دليلا على شخصيتك ومستواكى الفكرى

ZenDeN

عدد الرسائل : 3 العمر : 36 تاريخ التسجيل : 13/06/2008

الاول انا رجل
ثانيا : انت بتقول ان اللي تتجوز بمسلم تبقي غيرت دينها
طيب هل انت ترضي ان واحده تغير دينا علشان بتحب واحد ؟ مش علشان هيه مقتنعه بهذا الدين ؟؟
وهل انت ترضي ان مسلمه تتجوز مسيحي ؟ وتعتبر غيرت دينها الي المسيحيه ؟

اخى العزيز samer_Samy0
ممكن الواحدة تغير دينها علشان واحد فى الاول لكن اكيد هتحاول تعرف و تفهم الدين دا اية بالظبط دى حاجة اكيدة
ثانيا انا ليا تعليق و يارب تقبلوا
اذا كان الاخ الى انتة بتسئلوا و بتقول
"" وهل انت ترضي ان مسلمه تتجوز مسيحي ؟ ""
دا سؤال مش المفروض ان انتة تسئلوا اساسا لان هو اذا كان يقبل او يرفض فا دا حرام اساسا يبقى ملوش لازمة ان انتة تسئل السؤال دا

ثم ان مين الى قالك " و الكلام عموما يعنى " ان المسيحية لما تتجوز مسلم يبقى كدة هية غيرت دينها لا طبعا زى ما هية عاوزة و ممكن تفضل على دينها او تدخل فى الدين الاسلامى دا امر مش ملزم ان هوة يتعمل

فأنا أتحدث فى هذا الموضوع ماذا لو شاب وليكن
أنت أو أنا أو أى شخص نعرفه أو لا نعرفه أحب فتاة قبطيه وأحبته وأراد الأرتباط بها
فكلنا يعلم أن الاسلام لم يحرم المسلم من الأرتباط بقبطية والدليل على هذا زواج
الرسول(صل الله عليه وسلم) من السيده (ماريا القبطيه) فمن ناحية الشاب فألامر لا
يمثل له أدنى مشكله خصوصا فى حتة الدين ولكن الحيرة التى قد تنتاب هذا الشاب كيفية
مواجهة المجتمع برمته وحتى أن وافقت أسرته على هذا فكيف سيواجه أسرة هذه الفتاه
......... ولكن ما يثير أختلاف وحيرة أيضا ماذا أزى كانت هذه الفتاة من دولة أجنبية
مثلا فكثيرا مانسمع أرتباط عرب بأجانب وقد تكون أيضا قبطية فهل ستثور نفس المشكلة (
مع العلم أن كثير ما يتزوجون بأجانب لآخذ الاقامه) أعلم أن هناك أسأله عديده تتردد
بأزهانكم ألآن بين معارض ومتفق وأختلاف الآراء لا يفسد للود قضية وفى ألاول وألاخر
هذا موضوع أتمنى البعد عن التعصب الطائفى ولنتحدث بعقلانيه أزى كنت مكان هذا الشاب
ماذا ستفعل؟؟؟؟؟؟؟؟؟؟؟؟ كيف ستواجه المجتمع؟؟؟؟؟؟؟؟؟ كيف ستواجه هذه الفتاه
أسرتها؟؟؟؟؟ وكيف ستواجه أنت أسرتك؟؟؟؟؟ وأسأله عديده وعديده ولكن نحن أمام مشكلة
مطروحه فى سجلات المجتمعات العربيه فلا نستطيع أن ندفن رؤوسنا فى التراب ونصمت كما
لا نستطيع أن نتحدث بعصبيه فى هذا الموضوع لآنها مشكلة تحتاج الى حل والتعصب لا يحل
شىء ..............

شكرا للجميع على الردود
و يا رب يكون الموضوع بجد عاجبكم